Chamara Ranawaka ගමේ අයට නොතේරෙන්න

ගමේ අයට නොතේරෙන්න නුවරට යන්නන්
සිදාදියේ කොච්චි බස් වලට නගින්නන්
උගුරට දුක දැනෙන්නෙ නෑ සින්දු කියන්නං
දළු නෙලන්න යන්න එපා අම්මේ වදින්නන් 
අම්මා ගෙදර ඉන්නකෝ මන් කාසි එවන්නං

කරගැට ආවම ගිටාරේ සද්දේ එන්නේ නෑ 
ඒ කාලෙට කවි කියනවා පාඩු වෙන්නේ නෑ 
ණයට ගන්න පහළ කඩෙන් මාම බනින්නෑ 
පුතා එනවා ලබන මාසේ දුකක් දෙන්නේ නෑ 

ගමේ අයට නොතේරෙන්න............

පෝය ලගයි සිදාදියේ කොඩි ලෙලදෙනවා 
කල්තියාම සිල් රෙද්දක් අරන් තියනවා 
අලුත් තාලේ සිංදු වලට කාසි ලැබෙනවා 
අම්මට මන් තෝඩු දෙකක් අරගෙන එනවා 

ගමේ අයට නොතේරෙන්න............

Chamara Ranawaka සුරුවම අයිනේ

සුරුවම අයිනේ පුංචි පැලේ මගේ නත්තල ලං වෙනවා 
සිතල අරගෙන පිනි වැහි එක්කල මුහුදත් රළු වෙනවා 
අලුත් ඇදුම් මට මුකුත් එපා අප්පව සිහි වෙනවා 
අදවත් එන්නකෝ මාළු එපා ඉටිපන්දම් දිය වෙනවා 
සුරුවම අයිනේ පුංචි පැලේ මගේ නත්තල ලං වෙනවා 

හුලන් ඇදෙන කොට මුහුද දිගේ පැල ඇතුලට වෙනවා 
අම්මත් එක්කල හෙමින් සැරේ මන් ඔරසන් කියවනවා 
ලස්සන ලස්සන සේද වලාවෝ නගරෙට පාවෙනවා 
සමිදුන් මට තනි තරුවක් එව්වද පැල්පත බැබලෙනවා 

සුරුවම අයිනේ............. 

බඩගින්නක් මට දැනෙන්නේ නෑ මේ නත්තල් කාලේ 
වෙරළේ වාදී වී මුහුද දිහා මම බලනවා හැම වාරේ  
සමිදු පුදන්නට ඉටිපන්දම් නෑ එකයි මන් නාවේ 
අප්පා ආපුවම පල්ලියේ එන්නං අහන්න විනාදේ 

සුරුවම අයිනේ............. 

Chamara Ranawaka සිදාදියේ

සිදාදියේ නුබ දුටුවට මන් ගම්මානේ 
අම්මා එක්ක නුවර වදින්නයි මන් යන්නේ 
සිරියාවයි කම්මුල් පෙති ඒකයි බැලුනේ 
දුප්පත් මට සම්ච්චලේටද හිනා උනේ //

කලිසම ඉරුනට හරියට ඒක පෙන්නෑ 
අම්මා හොදට මහල දුන්නා ඒකට බය නෑ 
උඩ බොත්තමේ ගහලා තියේන කටුව පෙන්නෑ 
සෙරප්පු දෙක හොදට ගෙවිලා දැක්කොත් හරි නෑ 

සිදාදියේ ............

ගෙදර ආව තමයි ආවේ කොහොමද දන්නෑ 
බකිණි මලක් වගේ මුණ අමතක වෙන්නෑ 
ආයේ නුවර කවදා යයිද කියල දන්නේ නෑ 
අඩන් නැතුව කදුළු ආවේ කොහොමද දන්නෑ 

සිදාදියේ ............